Lirik Lolot Band - Bukti Tresna

Kenken kabare jani
Pasawitran tiange maka sami
Sue sampun nenten kacunduk
Dumogi sami nemu rahayu
Astungkara
Ampurayang antuk galah
Boya ja malih kadi dumunan
Ane setata mresidayang
Manggihin ragane makejang
Matimpal wirasa
Megending bareng sambilang metuakan
Pakedek lan pakenyum
Iraga ngelimurang manah

Kenken kabare jani
Apake makejang makurenan
Hidup miyasayang sentana
Ne dados arepang rerama
Ampurayang antuk galah
Boya ja malih kadi dumunan
Nyalanang suadharman titiang
Sane sampun keuningayang
Kewala satya tetep elingan
Teken semaya metimpal
Dumogi selantang tuwuh
Iraga sida kecunduk malih

Astungkara ring galah sane becik
Sida kecunduk malih
Astungkara ring galah sane rahayu
Sida kecunduk malih

Astungkara ring galah sane becik
Sida kecunduk malih
Astungkara ring galah sane rahayu
Sida kecunduk malih